Amayika, jantzi txaketika!

http://www.ehu.eus/euskalosasuna/sorkuntza/txikigarri_handigarriak.htm

Barkatuko didazue (edo ez), baina bertze edozein guraso ergelen gisan, neu ere lerdetsu jartzen naiz nire semeekin edo nire semeez ari naizelarik. Horretan, ez naiz salbuespena. Eta bai, jaioberritan batez ere, Z guziak X bilakatzen nituen eta gauza guztiei jartzen nien txikigarria.

Baina, bederen, euskaraz egiten nuen, aizue!

Euskarak baditu hainbat atzizki txikigarri, baina egiaren aitortzeko ia bakarra erabiltzen da; -TXO atzizkia hain zuzen ere. Akaso horregatik, edo batek daki zer arraiogatik, askok eta askok -txo atzizkiari uko egin eta (nafar) gaztelaniazko -ICO erabiltzen dute, hitz zinez gorrogatagarriak sortuz.

- Amayika, jantzi txaketika!
- Ze jatorrika den zure semea, aizu! [gainera, JAAAAAtorrika ahoskatuta]
- Ea potxoliko, sartu bokatika motxilikan eta goazen eskolara.
- Koldikooooo, hartu azken tragikoa eta lolo egitera!

Zenbat katutxo ez ote dira mundutxoan hilen norbaitek halakoak botatzen dituelarik?